Sunday, August 3, 2008

لحظه ضعف

وحشتني اوي يا احمد

كان نفسي تكون معانا النهارده

بالنسبه ليا اليوم صعب

بس ربنا يجمعنا كلنا على خير

بس كفايه اني متأكده ان رغم سفرك انك فرحان

بجد وحشتني

23 comments:

lonely said...

ايه يابت ده
ماتجمدى امال .. عايزه الناس تاكل وشنا
نكدى بقى على نفسك وعلى اخوكى الفرحان
يا ساااااااتر
مافيش حمد ولا شكرانيه كده

الف مبروك وعقبالك وعقبال اخوكى اللى واحشك ده وربنا يرجعهولكم بالسلامه

روووومي said...

سلام عليكم....
انا بصراحة اول مرة افتح مدونتك لاني جديدة في عالم التدوين
بس ينفع اول ما افتح الاقيكي زعلانة كده؟
ينفع يعني؟؟
انا مش عارفة في ايه ومش عارفة مين احمد
بس ربنا يارب يرجعهولك بالسلامة
وحاولي دايما تبصي للجزء الحلو في اي حاجة بتحصلك
تفائلي بقي...وماتزعليش

اختك ريهام

روووومي said...

مش انا فهمت
زغرطي بقي ههههههههه
الف الف مبروك لاخوكي وربنا يتتممم له علي خير يارب
ويرجع ليكي اخوكي بالف سلامة
وعايزة اقولك حاجة كمان ان زي ما اخوكي اللي مسافر واحشك جدا وانتي زعلانة عشان نفسك تشوفيه معاكم
بس برده اخوكي اللي اتكتب كتابه من حقه يشوف الفرحة في عنيكي وانك تملي الدنيا حواليه وحوالين زوجته سعادة وزغاريط
ولو مافيش حد يزغرط
انا في الخدمة هههههههه
عليا زغروطة ماقولكيش عليها
والله والله لو واحدة بتصوت هيبقي ارحم ن زغروطتي ههههههههههههههه
فرفشي يا قمرة وافرحي وماتسبيش لحظة تعدي من غير سعادة
"لا يوجد وقت للعيش بسعادة افضل من الآن"

انا رغاية وطول عمري رغاية ومش عارفة ابطل ابقي رغاية

استحمليني بقي

زى الهوا said...

انا برده اخويا وحشنىىىىىىىىى اوى , وخصوصا انهاردة لما طان بيكلمنى فى الموبايل وقالى وحشتينى اوى اوى ياموحة , ساعتها بس جسمى كله اتنفض , وحسيت زى مااكون كنت مخبية على نفسى انى زعلانة من الفراق

يارب اخوكى يرجع بالسلامة واخويا انا كمان , ياااااااااارب , بس بصى طالما سفره دا فى مصلحته يبقى لازم تيجى على نفسك ياقمر

ومبروك لاخوكى بس فين الداتوه

موناليزا said...

وانتى كمان اكيد وحشتيه
ويارب تتجمعوا على خير

mohamed alhaddad said...

أنا مش عارف مين احمد بس
احساسك واضح اوى
الله يكون فى عونك احساس البعد ده صعب اوى

الإتربي اللولبي said...

إزيك يا بوتا

أزمه فعلا لما يكون فرد من العائله غايب عن حدث مهم زي ده

بس الحياة دايما بتمشي كده

أتمنى ربنا يرجعه بالسلامه و يحضر دخلة أخوه

تحياتي

سلام عليكم

funckydoctor said...

ربنا يرجعو بالسلامة ان شاء الله :)

bota said...

fatma
فطوم لا لا اطني ربنا ما يجيب نكد
هي كانت احساس وكويس انه طلع في البلوج
ولو مرات اخويا اللي واحشني ده سمعتك وانتي بتدعيله انه يكتب كتابه هتيجي تجيب رقبتنا ههههههههههههههه
عقبالك انتي يا قمر لما افرح بيكي ان شاء الله


رووووووووومي
يا مراحب يا مراحب
منوره البلوج ومعلش يا ريهام هي جت كده
ويلا يا ستي زغرطي براحتك البلوج بتاعك اعملي فيه زي ما انتي عاوزه
وارغي براحتك برضه ما انا بقلك البيت بيتك يا جميل

bota said...

زي الهوا
موحه جت هيه هيه هيه
والله يا موحة حاسة بيكي
وفعلا الواحد بيستحمل البعد ده علشان عارف انه في مصلحتهم
بس كلنا بشر ولازم من وقت لتاني احس انه واحشني
كل اللي بايدنا ندعلهم ربنا يعملهم الصالح ويجمعنا بيهم على خير

وياستي انتي تؤمري
ال داتوه ال
موحة انتي عاملة دايت عيب
اوعي اسمعك بتقولي كلمه الداتوه ديه تاني على لسانك



موناليزا
متشكره على الدعوه الجميله
جزاك الله خيرآ
ربنا يكرمك

bota said...

wa3d-el3yoon
اولا اهلا بيك
وثانيا بقى احمد ده مش غريب ده اخويا ابن امي وابويا
وعادي ادينا بنتعود على البعد وربنا يهونه على الجميع




الاتربي
الحمد لله انا كويسه يا حامد
وصح يا حامد هي دي سنة الحياة
ومتشكره على الدعوه
ربنا يكرمك




funckydoctor
ربنا يكرمك يا دكتور
:) وشكرآ على الدعوه

lonely said...

طب مش تقولى يابنتى انه متجوز بدل ما انا داخله شمال كده
انا كنت فكراه بيكون نفسه وصغنن وهيرجع يشوف له عروسه علشان كده بدعيله
الحق عليا يعنى انى بدعيله
دنا حتى داخله مخصوص علشان أهدى النفوس

abo salah said...

بعد السلام عليكم

ربنا يرجعه بالسلامة أن شاء الله

وأن شاء الله يتلم الشمل من تانى

بس ما تزعليش بقى وتبوظى فرحتك بأخوكى محمود

خليكى باصة على الجانب المشرق

ويالا عقبالك كده ياستى

تحياتى

الإتربي اللولبي said...

إيييييييييييييييييييييييه يا بنتي ؟

فييييييييييييييييينك

مختفية

طلي علينا طيب

طب سلام عليكم

Amgad said...

يارب يا ستي
احمد يرجع بالسلامة
والاهم من كده
ترجعي تكتبي بالسلامة
طولتي اوي

spower said...

رمضان كريم
رمضان كريم
أنا أنا عصفور
وموطني رمضان
مع الأذكار أطير
وأحمل الأطياب

كل سنة وانت طيبة

انا ما عرفتش اقرا البوست
مش عارف ليه بعض المدونات بتظهر عندي مشفرة
ما فيش كلام كلها ارقام

زى الهوا said...

بقالك زمن مش بتكتبى , خير؟؟؟؟؟؟؟؟؟؟؟؟


لعل المانع خير

admelmasry said...

هو في الجيش ولا ايه ؟؟؟؟
.
.
.
ع العموم كلنا نفرحلك ايه المناسبة وهنفرح لك علي طول .. بس ايه المناسبة

Amgad said...

انا قولت اسيب كومنت
بمناسبة مرور
شهر كامل دلوقتي
علي غيابك
لعل المانع خير

د. مونى said...

سعيدة بمرورى لمدونتك وهى بجد جميلة
واضح ان مشاعرك رقيقة اوى ربنا يرجعلك اخوكى بالسلامة
ممكن اسألك سؤال؟
انتى عارفة بوتا دى يعنى ايه؟
انا عارفة
ياريت تسألى وتتأكدى لانك فاجئتينى لما شوفتك معلقة فى احدى المدونات
بجد اتخضيت لكن واضح انك مش عارفة معناه
ارجوكى تتأكدى من معناه لانه بيطلق عن فئة معينة من البنات بشكل منتشر جداااا
اسفة لو ازعجتك بالحكاية دي بس واضح انك بنت محترمة والاسم ده ممكن يعرضك لموقف سخيف
تقبلى مرورى
واسفة

أ / أحمد عبد المنعم said...

بسم الله الرحمن الرحيم
الله على رقة الإحساس الحب الصادق حب الأخوة
أكيد أخوك شخصية محبوبة جدا أيضا حتى تشعرى بالحاجة إليه وقت الصعاب
أسأل الله أن يديم الحب والود والبر بينكما

تسنيم محمود حسين said...

السلام عليكم

ربنا يرجعهولك بالسلامه........والف مبروك وعقبالك

والسلام عليكم

الإتربي اللولبي said...

إزيك يا بنتي الصغيرة ( لامؤاخذه ) بوتا

أصل د.موني قلقتني من اسم بوتا عشان أنا كمان ما اعرفش المعنى اللي هي تقصده .. و عشان كده قلت لامؤاخذه لتكون شتيمه ولا حاجه

المهم إنك وحشتي الكل

حاولي تطلي علينا بموضوع جديد تطمنينا عليكي

و حاولي تتأكدي و أنا كمان هاحاول اسأل على موضوع بوتا ده

ما تقلقيش وراكي رجاله

يللا ما اصدعكيش

تحياتي و تحيات خطيبتي

سلام عليكم