Saturday, August 2, 2008

ضحك وبكا


السلام عليكم

برضه واضح اني مصممه ان البلوج ده مكتوب عليه الشقاء والعناء سيبكم من المقدمه اللي ملهاش لازم واحب اقلكم


على اخبار تفرح


كتب كتاب اخويا لولولولولي



انا نجحت وكمان نجحت صافي الترم ده هههههههههه يعني معايا بس ماده الترم الاول



انا نجحت في الاليات وجبت فيها 125 من 200 يعني دي من عجايب الدنيا ال20



انا جبت في ماده زاكرتها كويس وكنت فهماها ج ج يعني جيد جدآ يعني انا مش غبيه الحمد لله



انا اكتشفت يوم نتيجتي ديه ان فيه ناس كتير بيحبوني واقدر اعتمد عليهم وكنت حاسه الفرحه بصوتهم وانا كل سنه بنجح بدعا الوالدين لكن السنه ديه متأكده اني نجحت بدعا الوالدين وكمان دعا اصحابي




بس كفايه كده فرحه لاحسن من كتر الفرحه يحصلي حاجه



---------------------------------------------------------------------------------------------------------------------------------


اخبار مش تفرح خالص


ان احمد اخويا مش هيحضر كتب كتاب محمود اخويا اللي هو يقربله قرابه بسيطه اوي يدوبك اخوه بس ملعونه الغربه وللاسف انا مش بفرح غير لما احس ان كل اخواتي جنبي وجنب بعض وبحاول اتعالج بس مش عارفه



مش فرحانه اني نجحت ههههههههههههه لالالا انا مش عبيطه مش متعوده افرح ومش كل الناس اللي حواليا فرحانين وخصوصا لو الناس ديه ساعدتني كتير وتبص تلاقي نفسك انت نجحت وهما سقطو طبعا ده نصيب بس فعلا ضيعو فرحة النجاح خالص بس ربنا يكرمهم ان شاء الله



كل ما ابدأ اتغير واحاول اكون احسن حد يجي يقولي عيب فيا او حاجه المفروض تتغير ابص الاقيني عايزه اخنقني واخنق الحد ده لانه مش وقته اصلا



اكتشفت اني متناقضه وده اللي الناس حسستني بيه انا عند ناس طيبه اوي وعند ناس مش طيبه خالص والاتنين بعاملهم بنفس الطريقه ونقيس على الطيبه حاجات كتير



اكتشفت محتاجه معامله خاصه جدآ ومش اي حد يعرف يتعامل معايا ويقنعني بوجهه نظره




كفاية كآبه بقى علشان معيطش


-----------------------------------------------------------------------------------------------------------------------------------

طلب من اي حديدخل هنا


بجد يا جماعه ادعولي جامد فيه موضوع نفسي يتحقق ادعولي ربنا يعملي الصالح ويكرمني بيه لاني فعلا محتاجه للموضوع ده جدآ

8 comments:

fatma said...

السلام عليكم ورحمه الله وبركاته

يارب تتخطبى يابوتا يارب يارب يارب ويتكتب كتابك كمان وتجيبى بيبى صغيرة كده كلبوزه مكلكعه معقده وتسميها بطة
مبروك للعريس ولاخت العريس وعايزة الحلاوه كيس ليون بالجبنة حجم عائلى لو سمحتى حلاوه كتب الكتاب والنجاح واهو توفير

قوليلى عنوانك بالظبط علشان ابعت حد يجيبلى كيس الليون ابو جبنه يمممممم

ومبروكات على النجاحات وربنا يرجعلك اخوكى بالسلامه وييجى يجوزك بنفسه علشان نخلص منك بقى
:P

لعلمك وانا بدخل على مدونتك قالى ان المدونة اتحذفت وبعدين فتحت تانى ,, وت اذ زت بالظبط ؟

وكمان جوليلى ع التغيير اللى عم بتجولى عليه ديه فى المدونه حداكى .آنى مش جادره اوصله ياست المهندزه
8D

زى الهوا said...

انتى بتهرررررررررررررررجى , يعنى حتى يوم لما الفرحة تيجى تدق بابك , تقفلى فى وشها , دا احنا بنروح ندور عليها فى بيتها ولو ما لاقيناهاش بنستناها اودام البيت حتى لو قعدت العمر كله

ياستى افرحى و مش لازم تخلى حاجة تنغص عليكى كدة فى كل اوقاتك , انسى اى حاجة وحشة وافتكرى الحلو بس


واعزمينا بقى فى فرح اخوكى , او حتى هاتى الجاتوة هنا ناكله , احنا غلابة

الإتربي اللولبي said...

بوتا

مبرووووووووووووووووووووووووووك

بس حاولي تستشعري حجم الفرحه

بالنسبه لاختفائي الغامض فأنا باشكر ليكي اهتمامك و إن شاء الله قريب هاعلن عن حاجات كتير مستخبيه بس باتابعكم و الله و ربنا يوفقك يا رب يا أطيب بنوته عندي بعد نشوى طبعا

سلام عليكم

NoOR said...

الف مبروك.................و ربنا يخرجك منهه بقواكي العقليه


رينا يوفقك

Cold air said...

السلام عليكم يا بوتا
سعيد جدا بزيارتي الأولي للمدونة الرقيقة و سعدت أكتر بشخصيتك الظريفة اللي بانت في البوست
أولا مبروك النجاح و مبروك لمحمود اخوك و عقبالك و ربنا يرجع لكم أحمد بالسلامة
أما عن إحساسك في بعض الأوقات بالتناقض في شخصيتك فأحب أطمنك إن ده شيئ طبيعي خالص و بيحصل لكل إنسان لأننا عبارة عن مشاعر و عواطف متحركة و بتتأثر من موقف للتاني و إحنا مش حجر أصم يمكن تشكيله علي شيئ واحد للأبد

مع تحياتي

abo salah said...

بعد السلام عليكم

ألف الف مبروك على نجاحك يا بوتا
وعقبال التخرج أن شاء الله

وألف مبروك لأخوكى محمود وعقبالك كده يارب
وربنا يرجع اخوكى احمد بالسلامة وبخير من غربته

ومش عيب أن حد يكون فى عيب يابوتا ويصلحه .. لأن كلنا مليانين عيوب .. وحاجة تبسطك أنك تلاقى حد يوجهك ويوقلك دا عيب ودا مش عيب
بس تكونى حد واثقة فيه .. وحد بيحبلك الخير

كلنا يابوتا فينا جانب متواضع
هونى على نفسك
وما تتعبيش نفسك كتير
اى خطأ أو عيب فيكى أنت عتبقى عارفة انه عيب وغلط .. ساعتها هتلاقى مرحلة التغيير اسهل ما يمكن مع الأستعانة بالله

مش انت لوحدك كده يابوتا .. كلنا بنسعى أننا نغير من انفسنا


ربنا يكرمك ويرزقك الخير حيث كان ويعملك الصالح ويحققلك موضوعك على الوجه الذى يرضيكى ويسعدك

تحياتى

abo salah said...

تصحيح

كلنا يا بوتا فينا جانب متناقض*

Anonymous said...

هاى بوتا ازيك عامله ايه ؟ بجد انا حبيتك اوى وبصراحه مدونتك جميلها اوى بحس انك بتقولى اللى انت عيشاااااااااه ويارب تقدمى كل جديد هستناكى ف مدونتى
http://www.kefayahob.blogspot.com/