3
2
1
0
هههههههههههههههه معرفش انا ايه اللي عملته ده
وانا هتجنن عليه template بس الصراحه من ساعه ما شفت ال
ولو مكنتش حطيته كان هيحصلي حاجه
طبعا بغض النظر عن الكآبه اللي انا بكتبها في البلوج اللي مش لايقه عليه بس
عاجبني جدآ يكفي اني كل ما اشوفه بقعد اضحكtemplateال
بغض النظر كمان على اني دلوقتي من غير بروفايل
بغض النظر على ان البلوج كله عايز يتظبط كويس وطبعا معرفش ده هيحصل امتى بس لازم يكون عندي امل وعمرو وفاطمه بالمرة
بغض النظر على اني عند حفظ كتير جدآ وسيادتي سهرانه رغم ان عندي تسميع بكرة
بغض النظر ان انا اللي بعمله ده غلط جدآ
بغض النظر ان النهارده اول يوم اضحك واتبسط تقريبا من كتير
بغض النظر عن حاجات كتير اوي
واهم بغض النظر ان الحاجات اللي انا كاتباها ديه كلها ملهاش علاقه ببعض وان ده من تاثير شكل البلوج الجديد
اقلكم على سر انا مكنتش بحب اللون الابيض في بمبى ده بس كان لازم اغير الاسود وكنت شايفه ان الابيض والبمبى ده احسن الوحشين
هههههههههههههههههههههههه
افتكرت في حاجه سوده تحت كده فيها علامة بلاي هتجنن واعرف ديه بتاعت ايه لو حد عرف يبقى يقولي معلش اختكم جاهله جدآ
اه اي حد يدخل لازم يقول رأيه شكل المدونه عجبه مبدئيا ولا ارجع الاسود
يلا بقى كفايه عليا كده
اتمنى لنفسي احلام سعيده
27 comments:
مبرووووووووووووك يا جميل
أنا بحب شيرك وبكره الأسود مووووووووت
اختيار موفق جدا
واحفظى كويس
تحياتى
السلام عليكم
طبعا الشكل الجديد روعه
وبمناسبه التجديد انت ليكي واجب عندي يا ريت تعدي تاخديه
تحياتي
ازيك يا بوتا
معلش اعذرينى
التمبليت جميل على فكره وانا كنت حطيته مره وشيلته علشان مابحبش الخط المايل
المهم بصى اللى تحت دى زى اعلانات دعائيه كده مش هتفتح حاجة هتفضل كده
لو عايزه تشيليها علشان شكل المدونة
ادخلى على التمبليت اللى بتحطى فيه كود التمبليت ده
وانزلى اخر الكود خالص هتلاقى الكلام ده امسحيه وسيفى
من اول
spacer for skins that want sidebar and main to be the same height
لغاية
end content-wrapper
عسل موووووووووووووووووووووت
مبروك الشكل الجديد
و الأهم مبروك فرحتك دي
ربنا يديمها عليكي إن شاء الله
سلام عليكم
بعد السلام عليكم
ايوه كده ياست بوتا
خليكى متفاءلة وبلاش الاسود دا
مبروك النيولوك الرائع
وأدام الله عليكى السعادة والفرح
تحياتى
انا مش فاهم اي حاجه
(علي فكرة مدونتي اسمها محدش فاهم حاجه)
هو في ايه
من ناحية الاشكال سيبي برينت سكرين للشكل القديم عشان نقدر نقولك انهو انسب ولا انتي عايزانا نفتكر الاسود كان شكلو عامل ازاي في مدونتك بس ده شغال اوي
تحياتي ليكي وفي انتظار البوست الجديد
مبرووووووك
كدا احلي بكتيير
.. الف مبروك دا بشرة خير اللون الفاتح احلي اكيد
.
.
مشروعي يوم السبت هنشوفك ولا ايه ؟؟؟
noor
الله يبارك فيك
ومبسوطه لردك
funky doctor
انا كمان بحبه اوي بس مكنتش عارفه اسمه بس كويس اني اتعرفت عليه
ولو بتكره الاسود انا ممكن اقتلهم ده واجب الضيافه عليا
وادعيلي احفظ كويس يا دكتور
ربنا يكرمك
spower
الحمد لله انه عجبك
وحاضر هروح اخد الواجب بس انا كده واجباتي كترت
ومتشكره طبعآ على الواجب
fatma
تعرفي حتى مش عارفه ارد على ردك
بس متشكره اوي على المعلومه
وان شاء الله اشوف النيولوك بتاعك قريب يا فاطمه
بجد كل يوم بروح افتح البلوج عندك واقرا ومعرفش ارد
ربنا يوفقك يا فاطمه
الاتربي اللولبي
الله يبارك فيك يا حامد
ومتشكره جدآ على دعوتك
وربنا يديم السعادة علينا جميعآ
abo salah
وعليكم السلام
انا بحاول اهه اجدد يمكن المدونه تعديني
ربنا يخليك يا ابوصلاح ويكرمك
وربنا يسعد الناس كلها
amgad
عندك حق يا امجد محدش فاهم حاجه فعلا
بس اظن ان البوست ده مش صعب اوي ده انا لسه مكتبتش الالغاز اللي عندي:)
ويارب بس اثبت على الشكل ده
ويارب انازل حاجه جديده
نفسي فعلآ
المهم نورت البلوج
CAIROCOMPUTER
واضح ان حضرتك غلط في العنوان
وكتبت الرد هنا
بجد مش عارفه اوصلك ازاي انك رديت غلط بس اكيد في يوم من الايام هتعرف
آدم المصري
تفتكر يا آدم ممكن يكون بشره خير للنتيجه
ربنا يكرم
وكويس ان الشكل عجبك
واعتبر ديه دعوه يعني على المشروع نروح نشجع
متتخيلش ببقى مبسوطه ازاي وانا شايفه الولاد والبنات ايام المشاريع وهما لابسين حلو كده وعساسيل
بجد بيبقى بسم الله ما شاء الله عليكم
بس للاسف انا مش هينفع انزل الكليه بكره
بس باذن الله اكيد هدعيلك انت واصحابي اللي في بكالوريوس ربنا يكرمكم وتكون الدكاتره حنينه معاكم
ربنا يوفقك
بغض النظر عن حاجات كتير كده
فمبااااااااارك التمبليت الجديد
وسيادتك ليكي تاج عندي روحي المدونة يللا عشان تحليه
سلااااااااااااااام
السلام عليكم
شكل البلوج كده يدعو للإبتسام والتفائل
يبقى أكيد أفضل
تحياتي
سلام
سفروته
يا مراحب يا مراحب
الله يبارك فيكي يارب بس يكون عجبك
ومتشكرة جدآ على التاج
ومن عنتيني الاتنين هروح اخده حالا
dr.m
وعليكم السلام
ربنا يخليك يا دكتور
والحمدلله ان شكله يدعو للتفاؤل انت ويارب يكون عجبك
أنا أول مرة أدخل بصراحة .. فمشفتش التمبليت الأولانى
بس البلوج شكله كده جميييل خالص
مبروك النيو لوك
بعض النظر عن ان بكره شريك
و بعض النظر اني بحب اللون الاسود
التمبلت لذيذ جداااااا
مبروووك النيو لوك يا قمر :D
انا بحب شريك جدا , بس ايه لو اتفرجتى على الكارتون بتاعه هتضحكى جدا , حلو يابوتا , كلنا عايزين تغيير
انا كمان بحب اغير التمبليت قوي
هو لذيذ و شكلهم طيوب و مرح
و لون الخلفية عاجبني بصرف النظر عن كل الحاجات اللي مش موجودة بس عجبني
اوروفوار
لألأ جامد يابوتا
والف مبروووووووووووووووك ومش عاوزين سواد تانى وحاجات من الوحشة دى وكفاية كآبة الحياة مش ناقصة
ربنا يوفقك ياقمر
شيتووووووووووووووس
maiosha
اهلا بيكي نورتي البلوج
وكويس ان النيو لوك عجبك :)
bongo
:( كده مش بتحبي شريك
طيب ايه رايك في الحمار القمر اللي جنبه :) سكر صح
اقلك على سر انا سبب اعجابي بيه الحمار اكتر حاجه
هههههههههههه
نورتي يا قمر
زي الهوا
موحا اهلآ اهلآ
للاسف مش عندي كارتون ليه بس ان شاء الله ناويه اشوف اي كارتون ليه
بس لما النت ربنا يهديه وحالته النفسيه تستقر
:)
bastoka طهقانه
يا اهلا وسهلا يا اهلا وسهلا
انا بقى عشريه زياده عن اللزوم لما بتعود على حاجه صعب اغيرها ولو غيرتها بيبقى عندي مشكله اني ارجعلها وببقى خايفه منها جدآ معرفش ليه
وهو فعلا مفيش حاجات كتير بس انا اهو بحاول ان شاء الله اظبطه
شرفتي يا جميل
الوحده بتقتلني
الله يبارك فيك يا شيتوس
ومبسوطه انه عجبك
وربنا يبعد عن كل الناس الكآبه
وانا من ناحيتي بحاول ابعدها على قد ما اقدر
ربنا يوفقنا كلنا
مازلنا في انتظار البوست الجديد
بصي هو يمكن الاسود مش حلو
لكن ده بردو مش حلو
مش حسة في دفء في البلوج
حساه اي حاجة في اي حاجة
انا عرفة انه عجبك
وانتي كده مبسوطة
بس النظرية ان الناس هتاخد عليه كده
وترجعي تغيريه فالناس تضايق
لو في ايدك تغيري يبقه غير ى الان
قبل ما الناس تاخد عليه
بس طالما انتي مبسوطة انطلقي
واعملي اللي تحبيه
ده كان راى
يلا يا ست الكتكوتة
تحياتي ليكي
هو فين اللون الابيض فى بمبى ده
انا يا اختى لا شايفه لا ابيض ولا بمبى
يكونشى اتعميت
amgad
متشكره على الاهتمام
وخلاص الجديد نزل
maha zein
اولا اهلا بيكي
وثانيا الاسود كان عاجبني بس كان بخليني مكتئبه دايما
ثالثا فعلا لغايه من حوالي ساعه انا كنت هغير التامبلت علشان مش عارفه اتصرف فيه والموضوع لازق في اسامي المدونات لكن لقيت نفسي بحاول اني اظبطه شكلا لان انا فعلا كنت حاسه انه كله داخل في بعضه
بس الحمد لله عرفت ابعد الموضوع عن الاسامي
عرفت اتحكم في شويه احجام خطوط يعني حاجات كده لان انا كنت انضف من الصيني بعد غسيله وانا عندي مشكله اني اسال حد بحب اتعلم لوحده
ده غير ان سر اعجابي بالتامبليت الحمار انا بحب الحمار اوي وصعب كنت الاقي شكل في حمار تاني غيره
واخيرآ لولا اختلاف الاذواق لبارت السلع
وفعلا شرفتيني :)
desert cat
يا مراحب يا مراحب
ممكن يكون عندك عمى قططي
لالالالالالالالالا سلامة عينك انا كنت حاطه تامبليت اسود وبعدين غيرته علشان المود للابيض في بمبى بس مكنش حلو بالنسبه ليا
لغايه ما استقريت على ده
Post a Comment