Tuesday, July 1, 2008

ايه الفرق؟؟ طيب ليه الفرق !!!!! طيب صح طيب غلط

طبعا عنوان غريب
بس عايزه اعرف ايه الفرق بين البنت والولد اكيد ان البنت بنت والولد ولد
وان البنت شكلها بنت وان الولد شكله ولد
لكن انا مش بسال على كده
ايه الفرق بين اني اعرف بنت او ولد
وليه فيه فرق
انا واحده من الناس عندي مشكله لما بتعرف على حد مبيفرقش معايا بنت او ولد بس المهم الدماغ ايه الروح ايه
وفي الاخر بتصدم ان حد يقولي لا ده ولد
هو انا لازم اي ولد اعرفه احبه او لازم هو يحبني مفيش غير كده احنا مبنفكرش غير في كده
معرفش انا صح او غلط بس فيه حاجات بتبقى جوا الواحد صعب انه يغيرها
ولو غيرها هيغير معاها حاجات كتير ده حتى ممكن يغير اسمه بالمرة
!!!!!!!!!!!!!!!!!!!!!!!!!!!!!!!!!!!!!

31 comments:

Volunteer said...

فى حاجات مينعش حد يقولنا عليها

لما متعرفيش دلوقتى الفرق امتى حتعرفى ؟
لو كل الناس فاكره ان اى علاقه بين بنت وولد يبقى حب وبس , يبقى انتى اللى تفكيرك غلط ويبقى مكنش فى زمايل فى الشغل ولا فى الدراسه
مش عيب انك تتعرف على حد بس الاهم تبقى عارف انت بتعرفه ليه
وطبعآ بيبقى فى حساب للناس واهلك ولو مرتبطه يبقى الانسان اللى معاكى ده برضوه ليه حق عليكى

sahr said...

البنت زي الولد ان مكنتش احسن منه

ذربونة هانم said...

بصى
انا فضلت زيك كده
مقتنعه بكلامك
و عادى اعرف اى حد مادام كويس و دماغه كويسه
و نبقى زى الاخوات
بس كلام الناس غلبنى

فبقيت اعرف الولاد كلهم معرفه سطحيه..يعنى وقفت فى النص لا كنا اناتيم و لا بأينا اعداء

و دمتى بخير

abo salah said...

بعد السلام عليكم

بصى يا بوتا

أنا مش هأقولك أن معرفة الولاد عيب
ولا أنا اساسا مقتنع أن كل علاقة مابين ولد وبنت لازم تتحول إلى حب

وفعلا ممكن يكون ليكى زمايل فى الدراسة أو فى الشغل وتحتم الظروف عليكى التعامل معاهم

لكن اللى أنا مقتنع بيه جدا أن هناك فرق وفى فرق .. وفرق شاسع كمان بين معرفتك للبنت ومعرفتك للولد

الفرق يابوتا في التعاملات والتصرفات
والفرق نفسه مستحب ولا هوا مكروه ولا هوه بيحسسك بضغط أو بخنقة
لأنى من رأيي أن الفرق كمان بيرفع من شأن وقيمة البنت اللي لازم كل حاجة فيها تتسم بالخجل والحياء

عارفة فين الفرق ؟
أقولك
تعاملاتك مع الولاد لازم يقيدها بعض القيود
قيود دينية وأخلاقية
قيود تحتم أنه لازم يبقى في حدود
يعني لازم يكون في حدود فى تعاملك مع الولد
يعني لازم تكون معاملة بما يرضى الله تعالى
وبما يرضيكي أنتى شخصيا ويريح ضميرك

يعني مثلا لو زمايلك في الدراسة فما ينفعش تماما أنك تهزري معاهم بالأيد وهما يهزروا معاكي بالأيد
زي ماساعات بأشوف من بعض البنات
لأن دا دينيا حرام ان ولد يحط ايده عليكي
وأخلاقيا البنت اللي تعمل كده تبقي ما بتتمتعش بالخجل ولا بالحياء اللي يرفع من شأنها
وبتسقط من نظر كثيرين

وحتى الهزار العادى والكلام نفسه اللي غير الهزار يكون في حدود
حدود دى ما تفهمهاش انها تقييد ليكي
بالعكس دي حدود ترفع من شأنك

وبالطبع لو أنتى مرتبطة
يبقي الأنسان اللي أنتى مرتبطة بيه له حق عليكي
وأبسط حقوقه أنك تراعى مشاعره وأحاسيسه دا لو بتحبيه فعلا
خاصة فيما يتعلق بتعاملاتك مع الولاد اللي محيطين بيكي
لأنك لو عكستى الأمر برضه مش هتقبلى أنه يكون عنده زمايل بنات وبيتعامل معاهم بلا حدود

أخيرا بقي
عايز اقولك
لا يابوتا مش شرط عشان نغير حاجات في نفسنا اننا نغير معاها اسماءنا

لأنه فرضا ان الحاجات دي غلط يبقي ما تتنظريش من حد أنه يغيرهالك ولا حتي ربنا سبحانه وتعالى
لأنه قال
لا يغير الله ما بقوم حتى يغيروا ما بأنفسهم

ولو فضلنا نقول ان في حاجات جوانا صعب اننا نغيرها لاننا اتعودنا عليها
يبقي هنفضل زي ما احنا
لأن مش كل اللي احنا مقتنعين بيه صح
ولا حتي تلقائيتنا لازم تكون صح

اما بقي
لو تعاملك مع الولاد في نطاق الحدود
سواء زمايل في العمل أو الدراسة
فما اعتقدش انه ساعتها هيكون في اي حاجة تعيبك

وأسأل الله أن يرزقك وأيانا سواء السبيل

معلش يابوتا أن طولت عليكي أوي
وباعتذر عن التطويل

تحياتي ليكي

أ / أحمد عبد المنعم said...

بسم الله الرحمن الرحيم
ليست المسألة بين الولد والبنت مسألة ندية أو صراع اختلاف نوعى أو فكرى فلكل كيانه
لكن أظن ان الموضوع متمثل فى كلمة " علاقة " فهذه الكلمة هى محور الارتكاز
وهى التى تبين الفكرة وتزيل الغموض
فكلمة " علاقة " تعنى صلة بين شخصين بصورة مطلقة دون تحديد شكل الصورة أو رسمها او حتى ملامحها
فتحديد المصطلح يحدد هويته وبالتالى يحدد أى قضية تدور حوله من الحل والحرمة أو من العيب وغير لاعيب أو من الصواب والخطأ أو وهكذا ....لذا
أتريدين أن أكمل أشعر بأنى أطلت جدا إن رغبت فى الاستكمال فلا مانع عندى ولكن إن طلبت
http://ommee.blogspot.com

bota said...

volunteer
اولا اهلا بيك ويارب اشوف مدونتك قريب
اولا بالنسبه لامتى هعرف الواحد عايش علشان يتعلم واكيد هيجيلي يوم واعرف
والحمد لله انا متاكده ان مش اي علاقه بين ولد وبنت مش لازم تبقى حب
وفعلا لازم الواحد يبقى عارف اهدافه او ايه اللي هيحصل بعد ما يعرف البنت او الولد ده
ومتشكره جدآ على الزياره المدونه نورت

bota said...

sahr
اكيد البنت زي الولد
وصدقيني مش على طول احسن ومش على طول اوحش
ونورتي المدونه

bota said...

ذربونة هانم
والله يا ذربونه في ناس بتحسي انك صعب تخسريهم علشان خاطر الناس
وخصوصا انهم مش عملولك اي حاجه وحشه ووجودهم مش هيضرك في حاجه ولا حتى هيضر الناس في حاجه
وردك اسعدني
ربنا يوفق الجميع

bota said...

abo salah
بعد وعليكم السلام

طبعا انت تطول براحتك البيت بيتك يعني
وبعدين بقى بالنسبه لتعليقك انا مش مختلفه معاه نهائي
ان تعاملي مع البنت مختلف عن الولد
البنت ببقى براحتي اضحك واهزر واتكلم في اي موضوع
لكن الولد في قيود كتير في التعامل معاه طبعا مش لدرجه الخنقه بس اللي هو المعقول

اظن ان كده كلامنا تقريبا واحد

الفكره بقى طالما انت شايف انك مش بتعمل حاجه غلط
وحد من الناس شايف اللي انت بتعمله ده غلط تفتكر الحل ايه
انك تمشي بدماغك ولا تمشي بدماغه
ولا تحاولو توصلو لحل وسط اللي غالبا مش بيبقى حل هو بيبقى تنازل من احد الطرفين


اما بقى ان الانسان يتغير ماهو لازم يعرف ان فيه غلط علشان يحاول يغيره لكن اظن انه مينفعش يتغير لو شايف انه صح
والا يكون بيعمل كده علشان خاطر الناس مش اكتر


عايزه اقلك حاجه بقى بجد
ردك الطويل اوي ده فرحني جدآ جدآ

وربنا يرزق الجميع راحة البال

bota said...

احمد

طبعا ردك اسعدني
وانا طبعآ مش بقول ان فيه نديه بين البنت والولد بس ساعات بيقابلك اشخاص كويسه في حياتك ومكنش في ضرر منهم
في الحاله ديه تعمل ايه تقول لا دول ولاد او لا دول بنات
ولا تعرفهم وتكون حاطط حدود لعلاقتك بيهم

وطبعآ انا يشرفني انك تقول كل اللي انت عايزه
وانت مطولتش ولا حاجه كمل براحتك

Unknown said...

عشان هو ده المجتمع اللي احنا عايشين فيه

أ / أحمد عبد المنعم said...

بسم الله الرحمن الرحيم
ما دامت العلاقة ليست ندية ولا تضادية بل استكمال للصورة البشرية وما دام تحديد المصطلح هو الذى سيحدد ما ستكون عليه التصرفات نستطيع أن نقول :
إن العلاقة المطلقة بين البشر مبنية على الوجود لا الانقطاع سواء بين الرجال والرجال أو بين الرجال والنساء لكن شكل العلاقة و طريقتها ومكانها و أسلوبها هو الذى يحكم على كونها صواب أو خطأ فالخطأ فى الصياغة لا فى الوجود
وما دمنا بصدد الحديث عن علاقة الفتاة بالفتى أو المرأة بالرجل
فنستطيع أن نعتبر ما قلناه منصبا عليهما
فلا نستطيع أن نحمل النفس البشرية ما لا تطيق بتحريم شىء حلال أو بتحليل شىء حرام
أو بترك شىء مباح نندم فى المستقبل على تركه وعدم الاستفاده منه
فحين طرق سلمان عليه السلام باب إبى الدرداء فتحت له أم الدرداء فسألها عن زوجها ودار بينهما حديث تشكو فيه أم الدرداء من زوجها بصورة غاية فى الأدب والاحترام لزوجها فاستمع سلمان إليها وسألها عن مكانه فأخبرته أنه فى قراءته فى الطابق العلوى فدخل البيت وصعد له وبدأ يوجه له النصيحة فلما أُخبر الرسول صلى الله عليه وسلم بهذا الكلام وبنصيحة سلمان أعجب الرسول بهذا الموقف وصدّق على نصيحة سلمان فقال صدق سلمان فأصبح الموقف حديثا لأن مايصدق عليه الرسول يكون حديثا
وأهدى أبو موسى الأشعرى هدية لزوجة عمر بن الخطاب وكانت قطعة قماش
ورغم ان عمر ردها إلا أنه ردها غيرة لا حرمة
هذا كله يعنى ان الإٌنسان العاقل هو من يضع نفسه فى موضع الصواب ولا يجنح إلى تحريم مطلق غير موجودة ولا إلى إباحة مطلقة توقع فى المحاذير والشبهات فسمعة الفتاة جزء من شرفها لا يجب أن تشوبه شائبة

زى الهوا said...

انتى قولتى يابوتا انك بتتعاملى براحتك مع البنات اكتر , والولاد بيكون فى بينك وبينهم قيود , , يبقى بنوصل لنفس النتيجة إن لازم علاقتك معاهم تكون سطحية

spower said...

يا ستي سيبيها علي الله
انا مش عارف اقولك ايه
لاني بصراحه ما اعرفشي بنات

تحياتي

Dr.m said...

السلام عليكم
قبل ما أعلق على الموضوع قرأت التعليقات الأخرى وكان تعليق أبو صلاح كافي ووافي ولو زدت ما أفدت..
وإن كل شيء في حياتنا لابد أن يكون له ضوابط طالما تلك الضوابط موجوده فلا حرج على الإطلاق..

أما موضوع إن واحد شايف حاجه صح والناس شايفاها غلط لازم يكون ليه مرجع يتأكد منه إن هو صح لأنه ممكن يكون فاهم غلط ..فيرجع لحد أكبر منه مثلا والأهم تكون المرجعيه لضوابط الدين اللي المفروض يحكم حياتنا كلها ..ساعتها يعمل اللي الدين شايفه صح بغض النظر عن رأيه أو رأي الناس..
قال تعالى

(وما كان لمؤمن ولا مؤمنة إذا قضى الله ور سوله أمرا أن يكون لهم الخيرة من أمرهم)..
تقبلي مروري وتحياتي
سلام

funckydoctor said...

على فكرة اخر كلمة قولتيها فيه الخلاصة
ويا مين يسمع
تحياتى

Bongo said...

كلامك صح و مقنع جدااا
انما في عادات و تقاليد اتربينا عليها مينفعش تتجاهليها
و لكن في نفس الوقت محدش هيفرض عليكي تفكيره

تصرفاتك تكون بعقل و تحكيم الدين و الأخلاق طبعا
و اكيد هيكون صح

موناليزا said...

قال تعالى"ليس الذكر كالانثى
طبعا فيه فرق يعنى انتى ممكن تكلمى زميلتك فى الدراسة مثلا ذى ماتكلمى زميلك
اكيد فيه فرق البنت بتتكلمى معاها براحتك اكتر ده غير انك بتبعدى نفسك عن اى شبهة
و غير انك ماتضمنيش تظرة الولد ليكى ايه لو اتكلمتى معاه عادى وشيلتى التكلفة بينك وبينه
فيه حاجة مهمة جدا الاسلام نهى عن الاختلاط الا فى حدود ضيقة جدا
ربنايرشدك الى مافيه الخير والصواب"

bota said...

esraa
تورتي البلوج
بس انا شايفه ان الواحد اه يراعي المجتمع واللي حواليه بس مش على حساب نفسه
انا بتكلم عموما



احمد
بجد رجوعك اسعدني
ربنا يكرمك
ومش لاقيه كلام اقوله بعد كلامك

bota said...

زي الهوا
اهلآ اهلآ
اه فعلا يا سماح العلاقه مع البنات بتبقى اعمق
بس برضه مقدرش اقول ان العلاقه مع الولاد سطحيه لا في الكليه تقريبا البنت زي الولد علاقتي بيهم هما الاتنين دراسه وبس



spower
ونعم بالله
وفعلا انت ارتحت انك متعرفش بنات كده احسن
اصل البنات مزعجين جدآ
هههههههههههههههه

bota said...

dr.m
ردك اسعدني جدآ
وطبعآ كلامك كلام جميل كلام معقول مقدرش اقول حاجه عنه
ربنا يكرمك



funckydoctor
اهلا بيك يا دكتور
وفعلا الواحد مش بيعرف يتغير علشان خاطر حد
لكن ممكن يتغير علشان خاطر نفسه

bota said...

bongo
بصي الحمد لله
اساسا لواحد مش شايف انه بيعمل حاجه غريبه او خارجه عن العادات
رغم اني اساسا عندي حساسيه من الكلمه بس عادي بقى
وردك عاقل وواقعي ربنا يكرمك



موناليزا
نورتيني
وطبعا مفيش بعد كلامك كلام
ربنا يكرمك
ويارب تشرفيني دايمآ

Amgad said...

فكرتك صح اوي ومقبولة جدا
اكيد لما الواحد بيعامل بيعامل الدماغ
مش الشخص
لو بتتكلمي علي النت فافتكر في واحده صاحبتي قوي ع النت برده
كانت دماغها كويسة اوي كان كلامنا صريح اوي ففي موقف كده تحرجت اقوله لها
قالتلي بص انت بتكلم نيك نيم ملكش دعوة بنت او ولد قول وقولت
اما لو في الحقيقة فالفرق بسيط انك متقدريش تحكمي علي الشخص اللي قدامك بيفكر ازاي او المجتمع اللي انتي عايشة فيه نظرته عاملة ازاي ده التحفظ الوحيد
بس كده او كده انا متفق معاكي تماما

الإتربي اللولبي said...

إزيك يا بوتا

عجبني النيو لوك اللي عملتيه لمدونتك

بس اتصدمت لما لقيتك مسحتي كل حاجه

عموما دي حرية شخصية

بالنسبة للفرق و صح أو غلط برضه دي حاجه بتاعتك و تابعه لدماغك و خط سيرك

أتمنى النيولوك يكون وشه حلو عليكي

و اتمنى تقرأي الإعلان الهام عندي في المدونه

بالتوفيق

سلام عليكم

bota said...

amgad
ايك عجبني بس فيه حاجه هو انا مش فارق معايا نت او مش حقيقه
تصدق مبقتش عارفه انا قلت في الموضوع ايه ولا ليه
صباح الخير
زيارتك اسعدتني




الاتربي اللولبي
الحمد لله انه عجبك بس انا كل ما ادخل المدونه اقول المدونه ديه بتاعت مين مش مقتنعه انها بتاعتي

وكويس اني مسحت المواضيح مقفلتش المدونه

بجد تمام اوي وجبت من الاخر انها حاجه على حسب دماغي انا ماشيه ازاي

وحاضر من عنيا مسافه التاكسي وهاجي اشوف الاعلان

نورتني

عمرو وجيه said...

بصى حضرتك .....


البنات عندنا فى الكلية مجعين دماغهم بحاجة اسمها الاختلاط


بصى هى حاجة انا بتبعها فى الموضوع ده

طالما حضرتك شايفة إنك مبتعمليش حاجة غلط

يبقى كلام الناس ملهوش لزمة ...


شكرا

رئيس جمهوريه نفسى said...

انا من النوع الى مش بيفرق معايه ولد ولا بنت لانى فى كل الحالتين مطالب احترام الطرف الاخر ولا مش حتنفع العلاقة اساسا
بس هى مشكلة المجتمع المصرى الى دائما وابدا ولد وبنت وثالثهما علاقة حب وده قصور من التفكير
معايه صديق كان بيناقشنى فى موضوع النت والشات واقسم ثلاثين يمين انى اى ولد وبنت على الماسنجر لازم يحبو بعض سالته انت بتشيت قال بكل عنجهيه لا ولا تعليق

Anonymous said...

أنا نفسي غارق ف المستنقع ده من حوالي تلات سنين، إزاي نعرف الفرق فعلاً، إزاي نقدر نحكم على الصداقات بين الجنسين


صحيح، فين المدونة القديمة، أنا مفتقدها لأنو كان في موضوعات مقرأتهاش و بعدين فجأة ألاقي الجديدة دي

bota said...

عمرو وجيه
اولا اهلا بحضرتك
وثانيا معاك حق جدآ
وثالثآ ساعات الناس اللي بتتكلم بيبقو قريبين منك جدآ يعني لازم تحط كلامهم في اعتبارك



رئيس جمهوريه نفسي
هدي انت اعصابك
بجد انت قلت اللي انا عايزه اقوله كله انه مش شرط اي بنت وولد يعرفو بعض يكونو بيحبو بعض او يبقى فيه في علاقتهم حاجه غلط
ممكن يبقى بنت وولد اصحاب اكتر من بنت وبنت او ولد و ولد
لا وكمان علاقتهم ممكن تكون احسن لانهم مش بيبصو لبعض مش بيغيرو من بعض مش مش مش حاجات كتير اوي
يعني المفروض الواحد يعامل دماغ بغض النظر عن بنت او ولد
ردك اسعدني




محمد آل ربيع
طبعآ مشكور على ملاحظتك
بس يعني ساعات الواحد بيبقى محتاج تجديد وبعدين المواضيع القديمه كلها كآبه
فللاسف راحت مع اللي راحو في 73
اما على الموضوع
فنصيحتي ليك
سيبك من كل الناس وامشي بدماغك وطالما انت قريب من ربنا
خليك متاكد انك مش هتعمل حاجه غلط
مش لان الناس قالتلك ده غلط لكن علشان انت نفسك شايفه غلط
وربنا يوفقك

الوحدة بتقتلنى said...

الفرق يابوتا عند اللى بيكلمك مش عندك انتى الفكرة هو نظرته عاملة ازاى مش نظرتك انتى ليه إيه ممكن هو انسان سوى وتمام وزى الفل وممكن هو شاب زى معظم شباب اليومين دول عاوز يقضى يومه هى دى الفكرة

ربنا يوفقك

شيتووووووووووس

حنين.. said...

على فكره يا بوتا, انا بعد ما بقرأ اى بوست بقرأ التعليقات, وانا بقرأ تعليقات موضوعك, عجبنى اوى رأى ابو صلاح, وجيت اكتب تعليق.... معرفتش ازود او اقول حاجه جديده, وبما انى بنت زيك, فهقوللك نصحيه منى, تعاملك مع اى ولد... لازم يكون فى حدود الدين وما أمره الله عز وجل, فى حدود ديننا وشرعنا, ... بصى يا احلى البنات اى حاجه مش حرام وانتى متأكده انها مش حرام......... ما يهمكيش من الناس, بس هقوللك على حاجه( فى فرق كبير اوى بين البنت والولد... فى كل حاجه) وعشان كدا لازم تكون علاقه الولد با البنت محدوة جدا, فى اطار الشغل مثلاا, وتكون للضروريات, , كمان مثال, لمدونتك.. فأنتى بنت.. وفى ناس كتير بتعلققك... وانتى بتردى على كل الناس سواء اكان ولد او بنت, وبتروحى مدوناتهم وبتعلقى, بس ما ينفعش بعد كدا تتعرفوا على بعض وكدا... وهنا نلاقى الفرق, تقبلى مرورى, انا كنت نفسى اطول عن كدا وارتب افكارى.... بس دى اول مره ازور مدونتك, تحياتى ليكى, وفققك الله لما يحبه ويرضاه