Friday, June 20, 2008

تاج فاطمة


السلام عليكم

يا ناااااااااس ياهو التاج ده علشان خاطر عيون فاطمه صحيح انا كان المفروض اعمله من كتير بس ظروف النت والامتحانات واني مش بعرف اجاوب على اسئله كل الحاجات دي خلتني ااجلهم وانا عملت واحد وفاضل واحد او اتنين بس في السكه ان شاء الله







لوأعطيتك ثلاث وردات .. من هم الثلاث الأشخاص اللى هتهديهم الورد اللى معاك ؟؟


ماما
أختى
اي راجل او ست كبيره يكون الطيبه باينه في عينهم




لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ؟؟



عايزه اعرف مين انا انا الحد الكويس ولا والوحش اكيد انا الاتنين بس لازم في كفه تزيد
عايزه اقرب اكتر من ربنا وربنا يقويني على ده ان شاء الله
عايزه ربنا يكرمني وانجح السنه دي





ما هو هدفك فى الحياة ؟؟



الحمد لله دلوقتي الرؤيه مشوشه جدآ عندي فمش قادره احدد
نقدر نقول ان هدفي حاليا ان اعرف انا عايزه ايه وبعد كده احدد الاهداف والاوليات





إن شاء الله بكرة هيكون أحسن من النهارده" ِهل تصدق هذه المقولة ؟؟ و لماذا ؟؟



هو من باب تفائلو بالخير تجدوه يبقى مقتنعه بيها
لكن الحقيقه ان على حسب اليوم ممكن يوم اشوف ان بكره احسن ووممكن يوم اشوف ان بكره ضلمه







أجمل مقولة سمعتيها فى حياتك ؟؟



لا تشك للناس هما انت صاحبه لا يؤلم الجرح الا من به الم
اذا كان الكلام من فضه فالسكوت من دهب






من المغنى اللى بتحبه أوى و إيه أحلى أغنية ليه بتحبها ؟؟



منير
والاغاني اللي بحبها حدوته مصريه وخايف وعروسه النيل ويونس





غزة" تمثل لك إيه فى حياتك ؟؟"



اشتياق
(دي مدونه لفلسطينيه بحس انها هي غزه بالنسبه ليا )








أعطى لإنتمائك لوطنك درجة من مائة ؟؟



!!!! وطني
وطني حبيبي.. الوطن الاكبر.. يوم ورا يوم امجاده بتكبر، وانتصاراته ماليه حياته.. وطني بيكبر وبيتحرر.. وطني.. وطني









لو تزوجتى و أنجبتى بنتين و ولدين أى الأسماء تختار لهم ؟؟



ان شاء الله نفسي ربنا يكرمني بيحي لكن مفيش اسماء تاني في دماغي ولا بنات ولا ولاد







عمرك غشيت فى أمتحان و انت صغير ؟؟



ده انا لسه من كام يوم في امتحان الاليات الخزعباليه الاول كنت بغشش وبعد كده غشيت وياريته فرق تقريبا معلومات اللجنه كلها متحلش الامتحان اساسا اصلها كانت لجنه تخلفات


لكن انا في لجنتي الاساسيه قاعده في الاول قدام الحيطه فمش بشوف حد ولا حد بيشوفني وكده احسن بحس اني في صومعه








لو أتعرض عليك رشوة كبيرة و انت فى زنقة ماليه هتعمل إيه ؟؟



الله الغني عن الحرام ربنا هو اللي بيزرق ويمكن ده اختبار ليا







قول 3 صفات ب 3 كلمات بس توصف بيهم شخصيتك (يعني كريم طيب خدوم كده )0


بارده
عصبيه
طيبه






اول مرتب ليك وكان كبير قوي يكفي تجيب اغلى هدايا هاتجيب لكل فرد في عيلتك ايه




مش عارفه هجيب لكل واحد ايه بس الفكره اني لازم اجيب وان اول مرتب ده يبقى مش بتاعي هجيب حاجات للناس اللي بحبها واطلع اللي ربنا يقدرني عليه







برضه بكلمة واحدة ايه اهم صفة عايزها في شريك حياتك




رجل والرجال قليل








ايه المجال اللى غير دراستك وشايف نفسك فيه قوي حتى لو كان ياشيخ الرسم عالحيطة




عماره
او حاسبات






بتحب السفر



بحب السفر للفسحه او الدراسه يعني السفر المحدد
لكن مبحبش السفر التاني الطويل ده






طب دلوقتى حالا ايه المكان اللى نفسك تكون فيه



عند احمد اخويا








تمرر التاج ده لمين ؟؟




دكتور كاسبر
نور مفيش فايده
يوكي وبونجو
الاتربي اللولبي

ابو صلاح مدونه تنفيس

27 comments:

lonely said...

بحجز وراجعه

lonely said...

يا حلاوتك يا حلاوتك
انتى لسه فاكرة تجاوبيه
لا انا هملص لك ودانك
دنا اصلا نسيت انى كنت ممرراه ليكى
طب فهمينى ازاى باردة وعصبية دى معلش اصلى مش حكيمة لدرجة انى افهم الحاجات اللى بتشقلب المخ دى
وبعدين انتى يعتبر ما جاوبتيش حاجة
نص الاجابات مش عارفة ومش حسه ومش ومش ومش
لا انا مش عجبانى الاجابات دى
جاوبى كويس ياهانم وبطلى تهربى من الاسئلة

خدى دى كده على الماشى
KISS

bota said...

بصي يا فاطمه
اساسا انا كتر خيري اني جاوبت كده انا كنت عملاه عندي في الدرافت من فتره كبيره بس تقريبا كان اسئله بس يعني كنت ناقله الاسئله وقلت هسيبك انتي تجاوبي عليها
بس خفت على ضغطك واحنا محتاجينك
وبعدين انا قريته مش لاقيه فيه غير قليل مش عارفه
وبعدين انتي نسيتي اسم المدونه يا جميل
وبعدين والله يا بطه مش بهرب بس انا مبعرفش اجاوب علشان كده مبحبش الامتحانات تبقى اسئله محدده
فيها ايه لما يقولي اتكلمي عن اللي انتي عايزاه في الماده هههههههههه تبقى حاجه جامده جدآ

bota said...

اما بقى موضوع بارده وعصبيه
يعني ببقى على حسب الوقف متطلب ايه
في مواقف بتحصلي تبصي تلاقيني بارده جدآ جدآ
ومواقف تانيه مش شرط تكون اصعب منها بس تقدري تقولي استفزتني اكتر ففعلا مش بقدر اتحكم في اعصابي فيها
كويس ان مش قلتلك طيبه وشريره
وعلى فكره طيبه ديه نا جايباها من كلام الناس مش مني انا مش مقتنعه بيها بس هو ده الموضوع فهمتي مني حاجه

lonely said...

اممممممممم
ماشى وانا هحقق لك اللى نفسك فيه
وضيفى السؤال ده فى التاج وجاوبيه

اشرحى باستفاضه قصه حياتك واجمل زكريات ليكى فى المراحل التالية

الطفولة
المراهقة
الشباب

السؤال اجبارى

bota said...

هههههههههههههههههه
ههههههههههههههههه
خلاص يا فاطمه هجاوبه فعلا بس في التاج الجاي ان شاء الله

وحلوه السؤال اجباري ديه

lonely said...
This comment has been removed by the author.
lonely said...
This comment has been removed by the author.
Cold air said...

هاي
جايز اللي شدني في التحقيق اللي دار بينك وبين فاطمة صاحبة التاج هو كلمة بارده
و الكلمة دي بتتقال كتير من غير فهم معناها
بالنسبة لي كــــ
cold air
البرود مش صفة يتصف بها الأنسان
ده سلوك إنفعالي مقصود من صاحبه
و كمان بيشمل كونه شخص عصبي أو ريلاكس
و مرسي لكـــي

بارده = ريلاكس

abo salah said...

بعد السلام عليكم

اولا باسجل اعتذاري عن تأخري في زيارتك

وسعدت جدا بتشريفك مدونتي المتواضعة
واتمني دوام التواصل

والتاج لذيذ واجاباتك عليه الذ
وعجبتني اوي اجمل مقولة سمعتيها في حياتك

وربنا ان شاء الله يحققلك كامل اهدافك ويرزقك الخير حيث كان

تحياتي ليكي يا بوتا

bota said...

cold air
هاي ازيك
اولا نورت المدونه
وثانيا شكرآعلى الايضاح


abo salah
حمدلله على سلامتك اولآ
وبعدين طالما التاج عجبك يبقى لازم تجاوبه
يدوبك مسافه التاكسي وتلاقيه وصلك
وشرفتني بالزياره

spower said...

اولا حمدالله علي السلامة
من زنقة الامتحانات
وبالذات زنقة الهندسة
اصل انا كمان في هندسة
بسي اجباتك دبلوماسية شويتين

تحياتي
sayed

واتمني مرورك بمدونتي
myfreedom-spower.blogspot.com

bota said...

spower
الله يسلمك
وربنا يوفقك في الكليه
ومعلش الاجابات ممكن تبقى دبلوماسيه شويه علشان انا لسه متعلمه الكلام جديد

الإتربي اللولبي said...

الرقيقة بوتا

شكرا على إنك افتكرتيني بالتاج ده

إجاباتك ما خرجتش عن المنطقية

سعيد بيكي

سلام عليكم

زى الهوا said...

يااجاباتك الجامدة , حمد لله على سلامتك يابنتى

NoOR said...

طبعا انا ليا عظيييييييييم الشرف اني اكون من المحظوظين اللي اتمررلهم التاج

وطبعا احيكي علي اختياراتك خاصة الكينج - منير طبعا - والأغاني اللي مختاراها هايله


بس موضوع الغش ده بيتهيألي صعب شويه احنا عندنا لو هرشت مش هاتلحق تخلص الامتحان

بس اجاباتك لذيذه ....

goog luck

NoOR said...

لا تشك للناس هما انت صاحبه لا يؤلم الجرح الا من به الم


حلوه قوي الجمله دي

blue-wave said...

nice answers

bota said...

الاتربي اللولبي
لا شكر على واجب وحمد لله على سلامتك


زي الهوا
شكلك بتهزري دول حسسوني اني مجاوبتش اصلا
انتي مدرسه وفاهمه قولي لفاطمه ان دي الاجابات الكامله
والله يسلمك يا جميل


noor
حمدلله على السلامه
متشكره على الرد
اما بقى موضوع الغش فالفكره فعلا ان انا لما بدخل متاخره في الامتحان حوالي عشر دقايق بيفرقو معايا دي في حاله لو عارفه احل لكن لما الامتحان يبقى 5 اسئله وانت مش عارف تحل غير سؤالين وفي منهم سؤال ناسيه اكيد هيبقى عندك وقت طويييييييييييل تعمل اللي انت عايزه وعلى فكره انا شفت في الامتحان ده العجب من طرق الغش المختلفه
وخير ان شاء الله
ويارب متكسلش



blue wave
متشكره على زيارتك

مدحت محمد said...

هو انتى ليه عملتى السؤال ده
قول 3 صفات ب 3 كلمات بس توصف بيهم شخصيتك (يعني كريم طيب خدوم كده )

بخط صغير اوى

عارفة
هتقولى مش عارفة طبعا

لسة مجاوب على التاج ده امبارح

لو كنت لاقيته عندك قبل مااجاوبه كنت خته منك عافية برضه

ياللا
مالكيش نصيب
سلام

abo salah said...

بعد السلام عليكم

ماشي ياستي بوتا
يعني أنا لسه راجع للتدوين
وبأقول يامسهل تقومي حدفانى بتاج مرة واحدة
ههههههههههههه


بس عامة هديتك مقبولة
وشكرا على ثقتك الغالية

تحياتي

الأستاذ said...

السلام عليكم
إيه يا جماعة موضوع التاجات ده
هو أنا أغيب كدة أرجع ألاقي التاجات شغالة في كل البلوجات؟
على العموم برضه التاج كويس وإجاباتك صادقة
لكن إزاي بتقولي على نفسك باردة وعصبية في نفس الوقت؟؟
يتفقوا إزاي؟
المهم شدي حيلك في الدراسة
وربنا يكرمك
تحياتي

الوحدة بتقتلنى said...

حلوة الاسئلة اوى والاجابات احلى والحلو فيكى انك بتجاوبى اجابات دبلوماسية

ربنا يوفقك


شيتوووووووووووس

bota said...

مدحت محمد
هههههههههههههه بجد لما قريت تعليقك قعدت اضحك لاني فعلا مش عارفه
بس لما رجعت للبوست عرفت انه غلطه مطبعيه

يلا الجايات اكتر ان شاء الله
ومن غير عافيه
وشرفتني بالزياره وان شاء الله تتكرر



abo salah
ما انا برحب بيك بالتاج ده وبقلك اهلا وسهلا حتى بدايه التاج ورد

bota said...

وعليكم السلام
حمد لله على سلامتك اولا
وبعدين يا استاذ اهو تاج وداير على الخلق

اما بقى موضوع بارده وعصبيه في نفس الوقت فانا هقتبس ردcold air وهكتبهولك

البرود مش صفة يتصف بها الأنسان
ده سلوك إنفعالي مقصود من صاحبه
و كمان بيشمل كونه شخص عصبي أو ريلاكس


بارده = ريلاكس

وشرفتني ونورت البلوج





الوحده بتقتلني
اهلا بيك الاول يا شيتوس
وواضح ان الكل اجمع على ان الاجابات دبلوماسيه

خلاص يبقى دبلوماسيه

Dr.m said...

السلام عليكم
زياره أولى لمدونه جميله..والزياره متكرره إن شاء الله
أسئله التاج مميزه والإجابه عليها أشد تميزا..

حقق الله لك صالح أحلامك..

تقبلي تحياتي
سلام

bota said...

dr.m
وعليكم السلام
شرفتني بزيارتك ومتشكره جدا على ذوقك
وربنا يكرمك على الدعوه الجميله ديه
واكون سعيده بتكرار الزياره