Sunday, January 6, 2008

انا شكلي اتجننت

السلام عليكم
ياااااااااااااااااه بقالي كتير جدا مجتش هنا
يمكن علشان مكنتش فاضيه علشان احمد نزل اجازته
يمكن يكون علشان النت عندي فصل شويه
يمكن يكون علشان الامتحانات (ههههههههههههههه)
كذا يمكن بس اهم يمكن فيهم اني يمكن اكون خايفه ده اكيد خايفه
ولا علشان شكلي بحب جديد
حتى دي مش عارفاها خايفه جدا من نفسي خايفه جدا من افكاري المجنونه
تخيلو لما الواحد يكون مش عارفه هو بيحب ولالا وقت يحس انه ميقدرش يستغنى عن الشخص ده ووقت يحس ان وجوده حاجه عاديه
عادي بقى عادي بقى
المهم امتحاناتي بعد اسبوع بالظبط زي النهارده يعني سبع ايام وتمن ليالي يعني حوال 164 ساعه
وقولي في يوم مراجعه كمان ضاع
وهتبدا المعركه وتقريبا عارفه اني خسرانه
رغم ان اسبوع ده كتير جدا ويكفي اني ازاكر كويس بس لو زاكرنه بضمير وانا تقريبا ضميري في اعاره ربنا يجيبهولي بالسلامه

لازم اخد شويه قرارات

1- مفيش كمبيوتر الحمد لله هو متدمر اساسا

2- في مزاكره كل يوم وفيه تشجيع مني لنفسي

3- اني اقسم وقتي هما خمس مواد ماده منهم مش بتتزاكر ودي حصه المراجعه وخلاص يبقى اربع مواد ماده انتاج والكترونيكس واحصا وديزين هههههههههههههههههههههههه
سيبك من الاحصا والالكترونيكس هيخلصوا في المراجعات تمام
يتبقى الانتاج والديزين هما دول المشكله بس انتي عارفه انك تقدري بس محتاجه تشجيع وانك يكون عندك دم وتبطلي تضيع وقت
لو كل يوم قسمتي الانتاج واخدتي كام فصل وخدتي معاهم حل بروجكت ديزين او شيت سيبك من الشيتات زمانها عدى خلاص هو بروجكت واحد في الاول هتتعبي بعدين هتلاقيه بسيط
ومفيش مانع تاخدي كام حصه الكترونيكس مش هتفرق
حلو الكلام اوي تفتكري هتقدر تنفذي اعتقد لالالالالالالالالالالالالالا



4- احمدك يارب اني قدرت اكتب اي حاجه ف الدنيا مش عارفه ليه الموضوع قالب معايا برهبه وخوف وهبل

5- الجهاز اللي انا قاعده عليه ده غريب اوي معرفش ليه مع اني بحس في السايبر هنا انه جزء من الكليه عادي يعني بس شكل المشكله في الجهاز عادي

7- يلا بقى فتحي مخك عندك مراجعه احصاء باينك بجد غبيه في حد بياخد مراجعه في الاحصا يلا بالشفا كله بيروح في الغسيل

سلام وبعد كل امتحان هاجي اكتب انا عملت ايه بس هطلعه في اخر امتحان ربنا يوفقني ويوفق كل اللي بيمتحنوا

2 comments:

ادم المصري said...

شكلك مكانيكا انتاج
.
.
دايما صاحبي بتاع انتاج بيقول عليا يبتاع بقر اكمني باور ياعني .. ويقولي ان لكل ممكلة تاج .. وتاج هندسة انتاج
.
.
وطبعا انا كنت بقولك ان عشقة اعشق قمر وان دخلت ادخل باور
.
.
لكن في الاخر هو دخل الجيش وانا فرحان فيه
كنت عايز اطمن اخبار امتجاناتك ايه
.
.
ياريت تبقي تطمنينا ونعرف ايه احبار بتوع انتاج لحسن انا عارف انهم غابة والله

bota said...

انتاج بعد الشر يا ادم كده تقولها في وشي

لا انا ميكانيكا صناعيه
يعني هندسه صناعيه
الفكره ان القسم المفروض يكون لوحده زي كل الكليات بس احنا مخلينه تبع ميكانيكا
لو انت حلوان اكيد عارف

بس سيبك عادي كله بقى واحد
وعلى فكره لذيذه اوي كلماتكم ديه

بس انا والله لسه واحده صاحبتي قايلالي شويه حاجات طالعه على ميكانيكا وباور ومدني هما يفطسوا من الضحك
بس للاسف الرقابه لا تسمح بها

ومتشكره على سؤالك
وربنا يوفقك